Tramp Putinlə görüşünü təxirə saldı
ABŞ Prezidenti Donald Tramp Rusiya Prezidenti Vladimir Putinlə Budapeştdə keçirilməsi planlaşdırılan görüşü "vaxt itkisi" olduğunu deyərək təxirə salıb.
TodayPress TV xəbər verir ki, bu barədə "Financial Times" məlumat yayıb.
Oktyabrın 22-də Rusiya Müdafiə Nazirliyi açıqlama verərək bildirib ki, Rusiya ordusu Ukraynadakı sənaye obyektlərinə genişmiqyaslı hava zərbələri endirib. Nazirliyin sözlərinə görə, bu zərbələr terror hücumlarına cavab olaraq həyata keçirilib və bütün hədəflər vurulub.
Qeyd edək ki, oktyabrın 16-da Tramp və Putin telefonla danışaraq Budapeştdə görüşmək barədə razılığa gəlmişdilər. Kremlin nümayəndəsi Dmitri Peskov görüşün tarixinin hələ müəyyən olunmadığını bildirib.
Türkan İsgəndərli
