Tramp Kolumbiyaya bütün maliyyə yardımlarını dayandırdı
ABŞ Prezidenti Donald Tramp kolumbiyalı həmkarı Qustavo Petroya kəskin xəbərdarlıq edib. Tramp Petrodan ölkədə narkotik istehsalını dayandırmağı tələb edib.
TodayPress TV xəbər verir ki, Tramp bu haqda "Truth Social" səhifəsində yazıb.
"Petro dərhal bu ölüm sahələrini bağlamalıdır, əks halda Birləşmiş Ştatlar onun üçün onları bağlayacaq və bu, çirkin şəkildə olacaq", - Tramp bildirib.
O, narkotik ticarətinin Kolumbiyada ən böyük biznesə çevrildiyini yazıb:
"Petro böyük ödənişlərə və subsidiyalara baxmayaraq, bunun qarşısını almaq üçün heç nə etmir. Bu gündən etibarən Kolumbiyaya bu ödənişlər dayandırılacaq".
