Tramp daha bir türk ölkəsinə dəvət aldı - VİDEO
Qazaxıstan Prezidenti Kasım-Jomart Tokayev ABŞ Prezidenti Donald Trampla telefon danışığı aparıb.
TodayPress TV xəbər verir ki, tərəflər söhbət zamanı ikitərəfli iqtisadi əməkdaşlıq və siyasi əlaqələrin inkişafı məsələlərini müzakirə ediblər.
Kasım-Jomart Tokayev Donald Trampın daxili siyasət kursunu dəstəklədiyini bildirərək, onun “sağlam düşüncə” siyasətinin Qazaxıstanda həyata keçirilən “Qanun və Qayda” strategiyası ilə uzlaşdığını qeyd edib.
Qazaxıstan Prezidenti ölkəsinin nüvə silahının yayılmaması siyasətinə sadiq qaldığını, Beynəlxalq Atom Enerjisi Agentliyi (MAQATE) ilə əməkdaşlığı davam etdirdiyini vurğulayıb.
Söhbət zamanı Kasım-Jomart Tokayev Donald Trampı onun üçün münasib vaxtda Qazaxıstana rəsmi səfərə dəvət edib.
Kübra Musayeva
