Tramp açıq mətnlə Paşinyanı dəstəklədi, Putin müxalifəti – Ölkə seçkiyə, ya qarşıdurmaya gedir?

ABŞ Prezidenti Donald Tramp iyunun 7-də Ermənistanda keçiriləcək parlament seçkilərində Baş nazir Nikol Paşinyanı dəstəklədiyini bəyan edib.

TodayPress TV xəbər verir ki, Donald Trump bu barədə “Truth Social” platformasında paylaşım edib.

“Ermənistanın Baş naziri Nikol Paşinyan ölkəsini güclü, zəngin və təhlükəsiz edən böyük dost və liderdir. Nikol Ermənistan və bütün Cənubi Qafqaz regionu üçün mənim sülh və rifah baxışımı tam bölüşür”, – deyə Tramp bildirib.

ABŞ lideri qeyd edib ki, dövlət katibi Marko Rubio yaxın zamanda Ermənistana səfər edib və iki ölkə üçün vacib razılaşmaların əldə olunmasına kömək göstərib.

Tramp əlavə edib ki, ABŞ və Ermənistan birlikdə “Beynəlxalq Sülh və Rifah üçün Tramp Marşrutu” layihəsinin tikintisinə başlayacaq. Onun sözlərinə görə, bu layihə Cənubi Qafqazı dəyişdirəcək və Amerika enerji şirkətlərinə Mərkəzi Asiyadan ABŞ-yə çıxış imkanı yaradacaq.

“Bu səbəbdən Nikol 7 iyun 2026-cı il seçkilərində mənim tam və qeyd-şərtsiz dəstəyimi alır. Nikolun köməyi ilə biz ABŞ-ni, Ermənistanı, Cənubi Qafqazı və Mərkəzi Asiyanı görünməmiş yüksəkliklərə çatdıracağıq. Ermənistanı yenidən böyük edəcəyik”, – deyə Tramp vurğulayıb.

Qiymət Mahir