Rusiya və Ukrayna 200 hərbçini qarşılıqlı dəyişdi
Rusiya və Ukrayna arasında baş tutan mübadilə nəticəsində 200 rus hərbçisi geri qaytarılıb, 200 ukraynalı hərbi əsir isə qarşı tərəfə təhvil verilib.
TodayPress TV "Kommersant"a istinadən xəbər verir ki, bu barədə Rusiya Federasiyasının Müdafiə Nazirliyi məlumat yayıb.
Nazirlik həmçinin bildirib ki, mübadilənin həyata keçirilməsinə Birləşmiş Ərəb Əmirlikləri və Amerika Birləşmiş Ştatları vasitəçilik edərək kömək göstərib.
Azad edilən rus hərbçiləri hazırda Belarus ərazisindədir və onlara tibbi və psixoloji yardım göstərilir. Daha sonra onların müalicə və reabilitasiya üçün Rusiyaya aparılması planlaşdırılır.
Jalə Rövşən
