Rubio: "Vaşinqton və Kiyev yaxşı irəliləyiş əldə edib"
Amerika və Ukrayna nümayəndə heyətləri Cenevrədə danışıqlar zamanı Ukraynadakı münaqişənin həlli planı üzrə irəliləyişə nail olublar və hazırda onun dəqiqləşdirilməsi üçün alınan təklifləri müzakirə edirlər.
TodayPress TV "TASS"a istinadən xəbər verir ki, bunu ABŞ-nin Dövlət katibi Marko Rubio bildirib.
"Düşünürəm ki, biz yaxşı irəliləyiş əldə etdik. Komandalarımız indi öz otaqlarına çəkilib. Bizə edilən təkliflərin bəziləri üzərində işləyirik",-deyə o, jurnalistlərə bildirib.
"Beləliklə, biz fikir ayrılıqlarının həllində irəliləmək və həm Ukraynaya, həm də açıq-aydın ABŞ-yə uyğun gələn bir şeyə yaxınlaşmaq ümidi ilə bəzi dəyişikliklər və düzəlişlər etmək üzərində işləyirik", -deyə Rubio əlavə edib.
