Rubio: “İranla razılaşma çətin olacaq”
“İranla razılaşma əldə etmək çətindir, lakin danışıqlar başlayır və nəticəni görəcəyik”.
TodayPress TV xəbər verir ki, bunu ABŞ dövlət katibi Marko Rubio Budapeştdə Macarıstanın Baş naziri Viktor Orban ilə birgə mətbuat konfransında deyib.
Rubio bildirib ki, ABŞ danışıqlara nikbin yanaşır və razılaşmanın mümkün ola biləcəyini istisna etmir. Onun sözlərinə görə, ABŞ Prezidenti Donald Tramp hər zaman mübahisələrin sülh yolu və danışıqlar vasitəsilə həllini üstün tutur və diplomatik razılaşma imkanlarını açıq saxlayır.
Dövlət katibi əlavə edib ki, Vaşinqton İranla bağlı narahatlıq doğuran məsələləri əhatə edən razılaşmaya diplomatik yolla nail olmağa çalışacaq, lakin proses mürəkkəb olacaq.
Aysel Mətləb
