Qlobal bazar üçün kritik qərar – Səudiyyə Ərəbistanı neft axınını bərpa etdi
Səudiyyə Ərəbistanı Fars körfəzindəki terminallar və Hörmüz boğazı marşrutu vasitəsilə xam neft ixracını yenidən bərpa edib.
TodayPress TV xəbər verir ki, bu barədə ölkənin neft sektorundan məsul rəsmilər məlumat veriblər.
Bildirilib ki, ixracın bərpası regionda son həftələrdə müşahidə olunan gərginliyin azalmasından sonra mümkün olub.
Səudiyyə Ərəbistanı dünyanın ən böyük neft ixracatçılarından biridir və Hörmüz boğazı qlobal neft ticarətinin əsas marşrutlarından hesab olunur. Daha əvvəl ixracın dayandırılması dünya bazarında neft qiymətlərinin yüksəlməsinə təsir göstərmişdi.
Hazırda neft ixracının plan üzrə davam etdiyi və bazarlarda vəziyyətin tədricən sabitləşdiyi bildirilir.
Türkan İsgəndərli
