"Qiyamət radiosu" yeni mesaj yayımladı
“Qiyamət Radio Stansiyası” kimi tanınan UVB-76 aprelin 14-də növbəti sirli mesajını yayımlayıb.
TodayPress TV xəbər verir ki, bu barədə stansiyanın fəaliyyətini izləyən “UVB-76 Logi” "Telegram" kanalı məlumat yayıb.
Məlumata görə, yayımlanan mesaj “NZhTI 24099 BORTOGRAPH 5211 9366” olub. Çıxış Bakı vaxtı ilə saat 16:00-dan sonra qeydə alınıb.
Bundan əvvəl stansiya “Hire” sözü və müxtəlif hərf-rəqəm kombinasiyaları səsləndirib.
Qeyd edək ki, UVB-76 radiostansiyası 1970-ci illərdən fəaliyyət göstərir və adətən fasiləsiz vızıltı səsi yayır. Stansiyanın Soyuq Müharibə dövründə yaradıldığı və bu gün də istifadə olunduğu ehtimal edilir.
Türkan İsgəndərli
