Qadın ərinin külünü stratosferə göndərdi
Britaniyada yaşayan 53 yaşlı Annet Marşall vəfat etmiş ərinin son arzusunu yerinə yetirərək onun külünü stratosferə göndərib.
TodayPress TV xəbər verir ki, bu barədə "Daily Star" nəşri yazıb.
Kosmosa böyük marağı olan Şon Marşall 2025-ci ilin fevralında 52 yaşında dünyasını dəyişib və ulduzlara baxıldıqda xatırlanmağı arzulayıb.
Annet bu arzunu həyata keçirmək üçün 3900 funt sterlinq ödəyərək Aura Flights şirkətinin xidmətindən istifadə edib. Şirkət külün yerləşdirildiyi kapsulu stratosfer şarı ilə 35 kilometrdən çox hündürlüyə qaldırır və orada kül atmosferə səpələnir.
Şirkətin təsisçiləri bildiriblər ki, kül hissəcikləri sonradan yağış və ya qar şəklində Yerə qayıdır və “səyahətini davam etdirir”.
Jalə Rövşən
