Pyatiqorskdakı partlayış nəticəsində yaralananların sayı 6-ya çatıb

Rusiyanın Pyatiqorsk şəhərində yanacaqdoldurma məntəqəsində (YDM) qaz tankerinin boşaldılması zamanı baş verən partlayış nəticəsində zərər çəkənlərin sayı 6-ya çatıb.

TodayPress TV xəbər verir ki, bu barədə Stavropol diyarının başçısı Vladimir Vladimirov "Max" sosial şəbəkəsində bildirib.

"Partlayışda yaralananların sayı altıya çatıb. Daha 4 nəfər tibb müəssisələrinə çatdırılıb", - V.Vladimirov qeyd edib.

Rusiyanın Stavropol diyarı üzrə İstintaq Komitəsi öz növbəsində bildirib ki, insident ilə bağlı cinayət işi açılıb.

Yanğının söndürülməsi üçün 45 nəfər və 15 texnika cəlb edilib.