Papa Ukrayna müharibəsinə son qoyulması üçün çağırış etdi
Roma Papası XIV Leo Ukraynada sülhün əldə olunması üçün səyləri artırmağa çağırıb.
TodayPress TV xəbər verir ki, bu bəyanat Əbu-Dabidə Rusiya, ABŞ və Ukrayna nümayəndə heyətlərinin iştirakı ilə keçirilən üçtərəfli danışıqların birinci raundunun yekunlaşması fonunda verilib.
Pontifik ənənəvi bazar günü moizəsindən sonra bildirib: "Düşmənçilik hərəkətlərindən həmişə mülki şəxslər əziyyət çəkir. Bu, xalqlar arasında uçurumu dərinləşdirir, ədalətli və dayanıqlı sülhü uzaqlaşdırır. Mən hər kəsi bu müharibəyə son qoymaq üçün səyləri artırmağa çağırıram".
Daha sonra dindarlara müraciət edən Papa əlavə edib: "Gəlin Ukraynada, Yaxın Şərqdə və xalqların maraqları naminə döyüşlərin getmədiyi hər yerdə sülh üçün dua edək. Sülh xalqların maraqlarına hörmət əsasında qurulur".
Xatırladaq ki, yanvarın 23-də Əbu-Dabidə təhlükəsizlik üzrə üçtərəfli məsləhətləşmələrin birinci günü, yanvarın 24-də isə ikinci görüşü baş tutub.
