Pakistan: “Fələstinlilər öz torpaqlarını özləri idarə etməlidirlər”
“Fələstin xalqı öz dövlətinin ərazisinə müstəqil şəkildə nəzarət etməli və onun gələcəyini müəyyən etməlidir”.
TodayPress TV xəbər verir ki, bunu Pakistanın Baş naziri Şahbaz Şərif Vaşinqtonda "Sülh Şurası"nın ilk iclasında bildirib.
"Fələstin xalqı BMT Təhlükəsizlik Şurasının qətnamələrinə uyğun olaraq öz torpaqları və gələcəyi üzərində tam nəzarəti həyata keçirməlidir”, - deyə baş nazir qeyd edib.
O, həmçinin görüş iştirakçılarını müvafiq qətnamələrə uyğun olaraq müstəqil, suveren Fələstin Dövlətinin yaradılması yolu ilə Fələstin xalqının öz müqəddəratını təyin etməsinə doğru etibarlı bir yol inkişaf etdirməyə çağırıb.
Aysel Mətləb
