NASA yeni astronavt sinfini təqdim etdi
NASA yeni astronavt sinfini açıqlayıb. 8,000-dən çox müraciət arasından seçilmiş 10 alim, mühəndis və pilot gələcək missiyalarda Ayı və bəlkə də Marsı tədqiq edəcək.
TodayPress TV "Associated Press" ə istinadən xəbər verir ki, seçilənlər arasında altı qadın və dörd kişi var, bu, NASA tarixində ilk dəfədir ki, qadınların sayı kişilərdən çoxdur. Astronavtlar iki il ərzində intensiv təlim keçəcək və gələcək missiyalarda iştirak hüququ qazanacaqlar.
NASA-nın Administrator vəzifəsini icra edən Sean Duffy bildirib ki, sinfin üzvlərindən biri Marsa ilk addım atanlardan ola bilər. O, həmçinin vurğulayıb ki, ABŞ astronavtları Aya endirmək üçün ikinci yarışda qalib gələcəklər.
Yeni astronavtlar ABŞ-nin 41 aktiv astronavtına qoşulacaq və gələcək Artemis proqramı çərçivəsində orbit və Aya uçuşlarda iştirak edəcəklər. Onların arasında geoloq, SpaceX mühəndisi və tibb mütəxəssisi də var.
Qeyd edək ki, NASA-nın uçuş əməliyyatları direktoru Norm Knight yeni astronavtları “müstəsna və fərqli” adlandırıb. Bu seçkilə NASA kosmik tədqiqatlarda həm gender, həm də peşə baxımından müxtəlifliyi artırmağı hədəfləyir.
Jalə Rövşən
