Moskva yaxınlığında təyyarə qəzaya uğradı
Moskva yaxınlığında "Yak-18T" təyyarəsi aerobatika fiqurunu yerinə yetirərkən qəzaya uğrayıb.
TodayPress TV xəbər verir ki, bu barədə Rusiya İstintaq Komitəsinin Nəqliyyat üzrə Qərb Regionlararası İstintaq İdarəsi bildirib.
"Təyyarənin Severka aerodromundan icazəsiz havaya qalxması şərti olaraq müəyyən edilib. İlkin olaraq qəza pilotun barrel roll adlı aerobatika fiqurunu yerinə yetirməsi zamanı baş verib", - agentliyin açıqlamasında deyilir.
Agentliyin ilkin məlumatlarına görə, təyyarənin göyərtəsində dörd nəfər olub.
"Qəza nəticəsində sağ qalan olmayıb", - məlumatda deyilir.
