Merts Trampla danışdı: İran və Ukrayna gündəmdə
Almaniya Kansleri Fridrix Merts ABŞ Prezidenti Donald Tramp ilə telefon danışığı apardığını, söhbət zamanı tərəflərin İran ətrafındakı vəziyyəti, Ukraynadakı müharibəni və NATO çərçivəsində təhlükəsizlik məsələlərini müzakirə etdiyini bildirib.
TodayPress TV xəbər verir ki, bu barədə o, "X" sosial şəbəkəsində yazıb.
Mertsin qeyd etdiyinə görə, o, Tramp ilə telefon danışığını 15 may tarixində hayata keçirib. Zəng zamanı ABŞ Prezidenti təyyarənin göyərtəsində olub və Çindən Vaşinqtona qayıdırmış.
Almaniya Kanslerinin sözlərinə görə, dialoq Yaxın Şərqdəki vəziyyət, Ukraynadakı müharibə və transatlantik əməkdaşlıq məsələləri də daxil olmaqla, əsas beynəlxalq mövzulara həsr edilib.
Aysel Mətləb
