Mask: "Administrasiya ilə fikir ayrılıqları yaşayırdım"
İlon Mask Hökumətin Səmərəliliyi Ofisi (DOGE) rəhbəri kimi fəaliyyəti dövründə Tramp administrasiyası ilə fikir ayrılıqları yaşadığını və özünü "küncə sıxılmış" hiss etdiyini bildirib.
TodayPress TV xəbər verir ki, bu barədə o, "CBS News"a verdiyi müsahibəsində danışıb.
"Administrasiyanın əleyhinə danışmaq istəmirəm, amma eyni zamanda hər şeyə görə məsuliyyəti də daşımaq istəmirəm. Bu səbəbdən özümü bir az küncə sıxılmış kimi hiss edirəm",- Mask bildirib.
O, Trampın komandasının siyasətləri ilə əsasən razı olduğunu, lakin bəzi məsələlərdə ixtilaflar olduğunu vurğulayıb. Xüsusilə, prezidentin dövlət xərclərini azaltmaq üçün irəli sürdüyü təşəbbüsü tənqid edib.
Türkan İsgəndərli
