Litvada qar səbəbindən fövqəladə vəziyyət elan edildi
Litvanın qərbindəki Plunge bölgəsində son günlər rekord miqdarda qar yağması nəticəsində genişmiqyaslı pozuntular baş verdiyi üçün fövqəladə vəziyyət elan edilib.
TodayPress TV xəbər verir ki, bu barədə "LRT" məlumat yayıb.
Məlumata görə, fövqəladə vəziyyət sərt qış şəraitinin yaratdığı problemlərin öhdəsindən gəlmək və əlavə maliyyələşmə əldə etmək üçün zəruridir.
Litva Hidrometeorologiya Xidmətinin məlumatına görə, bölgədə qar örtüyünün hündürlüyü bəzi yerlərdə təxminən 50 santimetrə çatıb ki, bu da son illərdə ən yüksək göstəricilərdən biridir. Meteoroloqlar yaxın günlərdə temperaturun tədricən azalacağını, səma buludlu olacağını və əlavə qar yağışı ehtimalının olduğunu proqnozlaşdırırlar.
Türkan İsgəndərli
