Laricanidən Trampa cavab: "Heç kim İranı məhv edə bilməz"
İranın Ali Milli Təhlükəsizlik Şurasının katibi Əli Laricani ABŞ prezidenti Donald Trampın Hörmüz boğazı ilə bağlı təhdidinə sərt cavab verib.
TodayPress TV xəbər verir ki, o, bu barədə "X" sosial şəbəkəsində yazıb.
"Aşuranı sevən İran xalqı sizin boş təhdidlərinizdən qorxmur. Çünki sizdən daha güclü olanlar onları aradan qaldıra bilmədilər. Buna görə də diqqətli olun ki, yoxa çıxanlar siz olmayasınız", - deyə açıqlamada qeyd olunur.
Xatırladaq ki, Tramp daha əvvəl "Truth" sosial şəbəkəsində İranın Hörmüz boğazından neft axınının qarşısını almaq cəhdinə görə ABŞ-nin ona "iyirmi dəfə daha güclü zərbə" endirəcəyini bildirib.
Türkan İsgəndərli
