İsveç Rusiyaya qarşı hazırladığı yeni pilotsuz qırıcıyı sınaqdan keçirəcək

İsveçin müdafiə sənayesi şirkəti "Saab", Rusiya ilə mümkün münaqişə ssenarilərində istifadə üçün nəzərdə tutulan yeni pilotsuz qırıcı təyyarəni sınaqdan keçirməyə hazırlaşır.

TodayPress TV xəbər verir ki, bu barədə İsveçin nüfuzlu "Svenska Dagbladet" qəzeti məlumat yayıb.

Şirkətin Baş direktoru Mikael Yuhansson qəzetə verdiyi açıqlamada bildirib ki, sınaqlara 2026-cı ildə başlanacaq. Onun sözlərinə görə, yeni pilotsuz qırıcılar düşmən ərazisinin dərinliklərində yerləşən hədəfləri məhv etmək imkanına malik olacaq.

Hazırda "Saab" şirkəti bu tip uçuş aparatının yaradılması üzrə son mərhələyə yaxınlaşdığını açıqlayıb.

Töhfə Səməd