İsrail: “Suriya qüvvələri cənubdan çəkilməlidir”

İsrailin müdafiə naziri İsrael Katz iyulun 16-sı verdiyi bəyanatda Suriyadan tələb edib ki, hökumət qoşunlarını ölkənin cənubundakı druzilərin yaşadığı ərazilərdən tamamilə geri çəksin və həmin icmanı rahat buraxsın.

TodayPress TV xəbər verir ki, bu barədə "AFP" məlumat yayıb. 

Nazir bildirib ki, İsrail bölgədəki Suriya hökumət qüvvələrinə qarşı hücumları yalnız onlar geri çəkildikdən sonra dayandıracaq. Əks halda, İsrailin cavab tədbirləri daha da sərtləşəcək.

Katz əlavə edib ki, İsrail druziləri tək buraxmayacağını açıq şəkildə bəyan edib.

Qeyd edək ki, İsraildə də azsaylı druz icması mövcuddur və rəsmi Tel-Əviv bu azlığın qoruyucusu kimi çıxış edir.

Töhfə Səməd