İranın sentrifuqa obyektləri zədələndi

İranın Tehran və Kərəc şəhərlərində uranın zənginləşdirilməsi üçün istifadə olunan sentrifuqa avadanlıqlarının istehsal edildiyi obyektlərə zərbələr endirilib. 

TodayPress TV xəbər verir ki, bu barədə Beynəlxalq Atom Enerjisi Agentliyi (AEBA) məlumat yayıb.

Bildirilir ki, Tehran ərazisində qabaqcıl sentrifuqalar üçün rotorların istehsal olunduğu və sınaqdan keçirildiyi bina zədələnib. Kərəcdə isə müxtəlif sentrifuqa komponentlərinin istehsal olunduğu iki bina tamamilə dağıdılıb.

AEBA-nın məlumatına görə, hər iki obyekt əvvəllər Birgə Hərtərəfli Fəaliyyət Planı (JCPOA) çərçivəsində nəzarət və yoxlama altında olub. 

Agentlik hadisənin detallarını araşdırmaqda davam etdiyini bildirib.

Türkan İsgəndərli