İran ABŞ-dən zəmanət tələb edir

İranın Xarici İşlər Nazirliyi nüvə proqramı ilə bağlı danışıqların davam etdirilməsi üçün ABŞ-dən sanksiyaların aradan qaldırılmasına dair konkret zəmanətlər təqdim etməsini tələb edib.

TodayPress TV xəbər verir ki, bu barədə "AFP" məlumat yayıb.

BMT-nin yaydığı hesabata görə, İran uranı təxminən 60 faiz səviyyəsində zənginləşdirib. Qeyd olunur ki, nüvə silahı istehsalı üçün bu göstəricinin təqribən 90 faizə çatması tələb olunur.

ABŞ isə İranın uranın zənginləşdirilməsini tam şəkildə dayandırmasını israrla tələb edir.

İran tərəfi isə nüvə proqramını yalnız dinc məqsədlərlə inkişaf etdirdiyini bəyan edir.

Töhfə Səməd