İndoneziyada vulkan partladı
İndoneziyanın Şərqi Yava əyalətində yerləşən Semeru vulkanında ardıcıl üç püskürmə qeydə alınıb.
TodayPress TV xəbər verir ki, bu barədə "Antara" xəbər agentliyi məlumat yayıb.
Məlumata görə, vulkanın kraterindən qalxan kül sütunu 900 metr hündürlüyə, yəni dəniz səviyyəsindən 4576 metrə çatıb. Kül kütləsi cənub-qərb istiqamətində sürətlə yayılır.
Respublika Vulkanologiya və Geoloji Fəlakətlərin Zərərlərinin Azaldılması Mərkəzi bölgə sakinlərini ehtiyatlı olmağa çağırıb və kraterdən 5 km radiusda dayanmağı qadağan edib, çünki qaynar süxur parçalarının atılması riski yüksəkdir.
Semeru dəniz səviyyəsindən 3676 metr yüksəkliklə İndoneziyanın dördüncü ən hündür vulkanı və Yava adasının ən yüksək zirvəsidir.
İndoneziya ümumilikdə 18 min adadan ibarətdir və Sakit okeanın “Od halqası” zonasında yerləşdiyi üçün güclü seysmik aktivliyə həssasdır. Ölkədə 500-dən çox vulkan var və onların təxminən 130-u aktiv hesab olunur.
Türkan İsgəndərli
