İki Şərqi Avropa ölkəsi Aİ-yə qoşula bilər

Moldova və Ukraynanın Avropa İttifaqına (Aİ) qoşulması üçün “danışıqlar klasteri”nin açılması qərarı yaxın günlər ərzində verilə bilər. 

TodayPress TV xəbər verir ki, bu barədə “Politico” nəşri məlumat yayıb. 

Bildirilib ki, ABŞ Prezidenti Donald Tramp Macarıstanın Baş naziri Viktor Orbanı Ukraynanın icmaya qəbuluna qoyduğu vetonu geri çəkməyə razı sala bilib. Bu addım isə iki Şərqi Avropa ölkəsinin Aİ-yə qoşulması ilə bağlı yaranmış çıxılmaz vəziyyətin yaxın aylarda aradan qaldırılmasına imkan verə bilər. 

Adı açıqlanmayan Avropa diplomatlarından biri isə hesab edir ki, Moldovada parlament seçkiləri öncəsi “danışıqlar klasteri”nin açılması doğru addım olmaz. Qarşıdan gələn seçkilər fonunda bu, uzaqgörənlikdən çox, əks nəticə verə bilər”. 

Xatırladaq ki, Moldovada növbəti parlament seçkiləri 2025-ci il sentyabrın 28-nə təyin olunub. 

Aysel Mətləb