Hakan Fidan: "ABŞ İrana qoşun yeridə bilər"
"ABŞ Fars körfəzində İranın hansısa adasına qoşun yeridə bilər".
TodayPress TV xəbər verir ki, bunu Türkiyənin xarici işlər naziri Hakan Fidan "A Haber" telekanalının efirində canlı yayında deyib.
"Münaqişə uzanacağı təqdirdə ABŞ-nin Fars körfəzində İrana aid hansısa adaya qoşun yeritməsi barədə versiyalar gündəmdir", - deyə o vurğulayıb və əlavə edib ki, İran Hörmüz boğazını bloklamaqla strateji üstünlük əldə edib.
H.Fidanın sözlərinə görə, buna cavab olaraq ABŞ-nin də İranın neft-qaz ixrac edən hansısa adasını tutması strateji həmlə ola bilər:
"Müharibə aparan tərəflər bunu təzyiq metodu və əlini güclü tutmaq üçün edirlər. Məhz buna görə, Türkiyə tərəflər arasında atəşkəsin əldə olunmasına çalışır".
