Gürcüstanda matəmin müddəti uzadıldı
Gürcüstanın Katolikos-Patriarxı II İlyanın vəfatı ilə əlaqədar matəm günləri dəfn mərasiminə qədər davam edəcək.
TodayPress TV xəbər verir ki, bu barədə Gürcüstan hökumətinin mətbuat xidməti məlumat yayıb.
Bildirilib ki, yas mərasimi martın 22-də keçiriləcək dəfn gününə qədər davam edəcək.
Daha əvvəl Patriarxın son vəsiyyətinə uyğun olaraq onun Tbilisidəki Sioni Katedralında dəfn olunacağı açıqlanmışdı. Qərar Gürcüstan Pravoslav Kilsəsinin Müqəddəs Sinodu tərəfindən təsdiqlənib.
Qeyd edək ki, Gürcüstan Pravoslav Kilsəsinin rəhbəri II İliya martın 17-də 93 yaşında vəfat edib. Gürcüstan Səhiyyə Nazirliyinin məlumatına görə, onun ölümünə çoxsaylı orqan çatışmazlığı səbəb olub.
Türkan İsgəndərli
