Ferstappen: “Peresin qayıdışı məni sevindirir”

“Formula-1” üzrə dördqat dünya çempionu və “Red Bull” pilotu Maks Ferstappen sabiq komanda yoldaşı Serxio Peresin ABŞ-nin “Kadillak” komandasına keçidi barədə fikirlərini bölüşüb.

TodayPress TV xəbər verir ki, bu barədə “Motorsport” məlumat yayıb. 

“Xəbəri eşidəndə ona mesaj göndərdim. Onun geri dönməsinə şadam, o, əla insandır. Start xəttinə qayıtması sevindiricidir. Performansına gəlincə, hər şey maşından asılı olacaq”, – deyə Ferstappen bildirib.

Qeyd edək ki, 35 yaşlı meksikalı pilot “Formula-1”də debütünü 2011-ci ildə edib. O, 2021–2024-cü illərdə “Red Bull” komandasının heyətində çıxış edib. Serxio Peres bu müddətdə 1 dəfə vice-çempion, 1 dəfə isə üçüncü yerin sahibi olub. Onun hesabında ümumilikdə 6 Qran-pri qələbəsi var.

Namiq HUN