Ərdoğan: "Türkiyənin Qəzza ilə bağlı mövqeyi dəyişməzdir"
Türkiyə prezidenti Rəcəb Tayyib Ərdoğan Qəzza zolağında böhranın nizamlanması məsələsində Ankaranın mövqeyinin dəyişməz qaldığını bildirib.
TodayPress TV xəbər verir ki, bu barədə Ərdoğan yerli universitetlərin tələbələri ilə görüşdə danışıb.
O qeyd edib ki, Türkiyə bu istiqamətdə zəruri addımları atmaqda davam edir və mövqeyindən geri çəkilməyəcək. Onun sözlərinə görə, Qəzza məsələsində hər hansı geri addım nə vicdan, nə də məsuliyyət baxımından qəbulolunan deyil.
Türkiyə hakimiyyəti daha əvvəl dəfələrlə Fələstin probleminin iki dövlət prinsipi əsasında həllinin vacibliyini vurğulayıb. Ərdoğan həmçinin Qəzzada atəşkəsin təmin olunmasını və humanitar yardımın çatdırılmasını ölkəsinin əsas prioritetləri sırasında göstərib.
