Ərdoğan İsrailə xəbərdarlıq etdi
Türkiyə Prezidenti Rəcəb Tayyib Ərdoğan İsrail hakimiyyətini Türkiyəyə və onun rəhbərliyinə qarşı səsləndirilən təhdidlərə görə xəbərdar edib.
TodayPress TV xəbər verir ki, o, bunu parlamentdə hakim Ədalət və İnkişaf Partiyasının iclasındakı çıxışında deyib.
Onun sözlərinə görə, Türkiyə adi dövlət deyil və heç kim ölkəyə və onun prezidentinə qarşı təhdid dili ilə danışa bilməz. Ərdoğan İsrailin Fələstin məsələsindəki mövqeyini də sərt tənqid edib.
Qeyd edək ki, Türkiyə prezidenti daha əvvəl də İsraili Qəzza zolağında müharibə cinayətləri törətməkdə ittiham edib. Türkiyə 2024-cü ilin may ayından etibarən İsraillə bütün ticarət əlaqələrini dayandırıb.
Türkan İsgəndərli
