Elon Musk Tanrı haqqında fikirlərinin dəyişdiyini etiraf etdi
Özünü uzun illər ateist adlandıran amerikalı milyarder Elon Mask tanrının varlığına inandığını bildirib.
TodayPress TV xəbər verir ki, o, bu fikirlərini ABŞ prezidentinin müşavirinin həyat yoldaşı Keti Millerin podkastında səsləndirib.
Mask deyib ki, kainatın müəyyən bir başlanğıcdan yarandığına inandığını və insanların tanrı haqqında müxtəlif təsəvvürlərə sahib olduğunu qəbul edir.
Daily Mail yazır ki, Mask son illərdə xristian dəyərlərinə artan hörmətindən danışır və onların dərin müdrikliyini əvvəl qiymətləndirmədiyi üçün “axmaqlıq etdiyini” etiraf edir. 2024-cü ildə o, özünü “mədəni xristian” adlandırmış, İsanın sevgi və bağışlama təlimlərini yüksək dəyərləndirmişdi.
Mask podkastda həmçinin kainatın böyük bir kompüter simulyasiyası ola biləcəyini, həyatın isə “kiminsə video oyunu” na bənzədiyini söyləyib. O, hətta dünyanın “yadplanetli Netflix serialı” olması ehtimalını da irəli sürərək, bu halda həyatın məqsədinin “reytinqi artırmaq” olduğunu bildirib.
Xatırladaq ki, Mask daha əvvəl transgender qızının cins və ad dəyişikliyini tənqid etməsi ilə gündəmə gəlmişdi.
Jalə Rövşən
