Ekspert: "Rusiya və ABŞ böyük layihələrə başlaya bilər"

Rusiya və ABŞ arasında böyük miqyaslı əməkdaşlıq layihələri yalnız Ukraynadakı münaqişə başa çatdıqdan sonra mümkün olacaq. 

TodayPress TV xəbər verir ki, bu fikri Rusiya Xarici İşlər Nazirliyinin Diplomatik Akademiyasının eksperti Vadim Kozyulin bildirib.

Ekspert qeyd edib ki, Rusiya və ABŞ artıq kosmos, Arktika, yeni yataqlar və Şimal dəniz yolu kimi sahələrdə əməkdaşlıq potensialına malikdirlər.

Bundan əlavə, Rusiya prezidentinin mətbuat katibi Dmitri Peskov iyulun 20-də bildirib ki, Putin və Tramp arasında görüş qaçılmazdır və bu görüş zamanı “böyük razılaşmalar” əldə oluna bilər. Lakin o əlavə edib ki, belə bir görüş yalnız “böyük iş” görüldükdən sonra baş tuta bilər və hələ bu mərhələyə çatılmayıb.

Türkan İsgəndərli