Çindən ABŞ-nin tələbələrlə bağlı qərarına ETİRAZ
Çin ABŞ hökumətinin ÇXR-dən olan bəzi tələbələrin vizalarının ləğv olunması ilə bağlı qərarına kəskin etiraz edir və bu məsələ ilə bağlı Vaşinqtona ciddi təqdimat verib.
TodayPress TV xəbər verir ki, bu barədə Çin Xarici İşlər Nazirliyinin rəsmi nümayəndəsi Mao Ninq bildirib.
O vurğulayıb ki, ABŞ ideoloji səbəblərlə və milli təhlükəsizlik bəhanəsi ilə hərəkət edir, lakin bu addımlar “əsassızdır” və çinli tələbələrin qanuni hüquq və maraqlarını ciddi şəkildə pozur.
Çin rəsmisi bu siyasətin iki ölkə arasındakı mədəni və humanitar əməkdaşlığa mane olduğunu və ABŞ-nin qondarma azadlıq və şəffaflıq ideallarını zədələdiyini qeyd edib.
Türkan İsgəndərli
