Çexiyada elektrik kəsintisi həyatı iflic etdi

Çexiyada böyük elektrik kəsilməsi qeydə alınıb. 

TodayPress TV xəbər verir ki, bu barədə "Reuters" məlumat yayıb.

Məlumata görə, kəsintiyə elektrik xəttinin qırılması səbəb olub. Hadisə nəticəsində ölkə üzrə səkkiz yarımstansiyada problemlər yaranıb. Hazırda bu obyektlərdən beşinin fəaliyyəti bərpa olunub, lakin səbəb hələ də araşdırılır.

Problemlər Praqa da daxil olmaqla beş bölgədə müşahidə olunur. Nəticədə Praqa metrosunun fəaliyyəti iflic olub, həmçinin trolleybus və tramvayların hərəkəti dayanıb.

Hadisə vaxtı liftlərdə qalan insanlar təcili yardım xidmətlərinə çoxsaylı zənglər ediblər.

Türkan İsgəndərli