Avtomobil üçün dəfn mərasimi keçirildi
Hindistanın Qucarat ştatında Padarşinqa kəndində 12 yaşlı minivenin dəfn mərasimi təşkil edilib. Avtomobilin sahibi, tikinti sahibkarı Sanjay Polara, avtomobili ailə üçün uğur simvolu hesab etdiyini bildirib.
TodayPress TV xəbər verir ki, mərasimdə təxminən 1500 nəfər iştirak edib.
Avtomobil gül və çələnglərlə bəzədilib, xüsusi olaraq qazılan 4,5 metr dərinlikdə qəbirə endirilib. Mərasim zamanı mantralar oxunub, qızılgül ləçəkləri təqdim olunub.
Mərasim üçün 4000 dollar xərclənib və dəfn olunan yerdə ağac əkilməsi planlaşdırılır.
Türkan İsgəndərli
