Argentinada liman BÖHRANI: Onlarla taxıl gəmisi ilişib qaldı
Losmanların tətili səbəbindən azı 45 taxıl gəmisi Argentinanın Rosario şəhərinin limanını tərk edə bilmir.
TodayPress TV xəbər verir ki, bu barədə Argentinanın Yağ-piy Sənayesi Palatası və Taxıl İxracatçıları Mərkəzinin prezidenti Qustavo İdiqoras bildirib.
Onun sözlərinə görə, vəziyyət yaxın vaxtlarda həll olunmazsa, saxlanılan gəmilərin sayı daha 30 ədəd arta bilər. O qeyd edib ki, hər gün gəmi sahiblərinə 50 min dollardan 100 min dollara qədər məbləğdə başa gəlir.
İdiqoras vurğulayıb ki, ixracatçılar hökumətin iqtisadiyyatın tənzimləşdirilməsi kursunu dəstəkləyirlər, lakin normativ bazaya dəyişikliklər edilməzdən əvvəl losmanların həmkarlar ittifaqları ilə məsləhətləşmələrin aparılmamasını xəta hesab edirlər.
Xatırladaq ki, İyulun 30-da hakimiyyət orqanları gəmiçilik sahəsi üçün yeni reqlamenti dərc edib. Losmanların və çay gəmiləri kapitanlarının həmkarlar ittifaqlarının fikrincə, yeni qaydalar iş yerlərinin ixtisarına və gəmiçiliyin təhlükəsizliyinin azalmasına gətirib çıxara bilər.
