Argentinada 2000 hektar meşə yandı
Argentinada meşə yanğını 2000 hektar ərazini yandırıb.
TodayPress TV "Sputnik Erməniatan"a istinadən xəbər verir ki, Argentinanın cənubunda, Çubut əyalətində böyük meşə yanğını başlayıb və sürətlə yayılaraq milli magistral yola çatıb, yol bağlanıb.
Yanğın bazar ertəsi günü başlayıb və hökumətin məlumatına görə, artıq ən azı 2000 hektar meşə sahəsi külə dönüb.
Yerli hakimiyyət orqanları yanğının qəsdən törədildiyini düşünür.
Yanğın yerində alışqan maye və benzin izlərinin tapılması bu ehtimalı gücləndirib. Yanğınla mübarizə üçün əraziyə yanğınsöndürən briqadalar göndərilib, vəziyyət nəzarət altına alınmağa çalışılır.
Jalə Rövşən
