Almaniya Ukrayna yardımını da əhatə edən büdcəni təsdiqlədi
Almaniya parlamenti Bundestaq təxminən 524,5 milyard avro məbləğində xərcləri əhatə edən 2026-cı il üçün dövlət büdcəsini təsdiqləyib ki, bu da bu illə müqayisədə 21,5 milyard avro çoxdur.
TodayPress TV xəbər verir ki, "DPA"nın məlumatına görə Ukrayna üçün nəzərdə tutulan 11,5 milyard avro məbləğində maliyyə yardımı da büdcəyə daxildir.
2026-cı ildə müdafiə büdcəsi təxminən 108 milyard avroya qədər artacaq ki, bu da Soyuq Müharibənin sonundan bəri ən yüksək səviyyədir.
Həmin vəsait əsasən hərbi texnika və sursat almaq üçün istifadə olunacaq ki, bunun da əhəmiyyətli bir hissəsi kreditlər hesabına maliyyələşdirilir.
Ukraynaya yardım üçün ayrılan 11,5 milyard avro PUA, zirehli transportyor və digər silahların təchizatı, eləcə də artilleriya ehtiyatlarının artırılması üçün istifadə olunacaq.
