Aİ Ukrayna ilə bağlı həll axtarır
Avropa Diplomatiyasının rəhbəri Kaya Kallas bildirib ki, Avropa İttifaqı Ukraynadakı münaqişəyə Kiyevin Rusiyaya “təslim olması” mənasına gəlməyən həll yolu tapmalıdır.
TodayPress TV xəbər verir ki, o, bu açıqlamanı Aİ liderlərinin sammitindən əvvəl keçirilən mətbuat konfransında verib.
Kallas qeyd edib ki, Ukrayna və Yaxın Şərqdə baş verən hadisələr bir-biri ilə bağlıdır. Onun sözlərinə görə, ABŞ və İran arasında gərginlik Rusiyaya fayda verir və bu səbəbdən Aİ-nin Ukraynaya dəstəyini gücləndirməsi vacibdir.
O vurğulayıb ki, Yaxın Şərqdə müharibənin başa çatması Ukrayna üçün də əhəmiyyətlidir və bu, Rusiyaya tam təslimiyyəti nəzərdə tutmayan həllin tapılmasına kömək edə bilər.
Türkan İsgəndərli
