Aİ İranı cavab zərbələrindən çəkinməyə çağırdı

Avropa Komissiyasının sədri Ursula von der Lyayen İranı İsrailin hava hücumlarından sonra cavab zərbələrindən çəkinməyə çağırıb.

TodayPress TV xəbər verir ki, o, bu barədə “X” sosial şəbəkəsində paylaşımında bildirib.

Onun sözlərinə görə, Aİ bütün tərəfləri maksimum təmkin nümayiş etdirməyə, vəziyyəti dərhal deeskalasiya etməyə və cavab addımlarından çəkinməyə çağırır.

Von der Lyayen münaqişənin yalnız diplomatik yolla həll olunmasının vacibliyini vurğulayıb.

Qeyd edək ki, İsrail İranın bir neçə şəhərində, o cümlədən Tehran və Natanzda hərbi və nüvə obyektlərinə zərbələr endirib. 

Türkan İsgəndərli