Aİ-də şirkət iflasları 2,5% artdı
Avropa İttifaqında (Aİ) 2025-ci ilin dördüncü rübündə iflas edən şirkətlərin sayı əvvəlki rüblə müqayisədə 2,5% artıb.
TodayPress TV xəbər verir ki, bu barədə Aİ-nin Statistika Xidməti (Eurostat) məlumat yayıb.
Məlumata görə, ən böyük artım mehmanxana və otel və restoran sektorunda (+8,6%), informasiya və kommunikasiya sahəsində (+7,9%), eləcə də nəqliyyat sektorunda (+5,6%) qeydə alınıb. Azalma isə yalnız ticarət (-3,4%) və maliyyə sektorunda (-0,7%) müşahidə olunub.
Eyni dövrdə Aİ-də yeni müəssisələrin qeydiyyatı 0,5% artıb. İnformasiya və kommunikasiya sahəsində artım isə 6,4% təşkil edib. Ticarətdə göstərici 0,3%, tikinti və nəqliyyatda isə 0,1% azalıb.
Aysel Mətləb
