ABŞ Venesuela neftinin Kubaya satılmasına icazə verəcək
ABŞ Venesuela neftinin Kubaya xüsusi lisenziyalar əsasında yenidən satışına selektiv şəkildə icazə verəcək.
TodayPress TV xəbər verir ki, bu barədə ABŞ Maliyyə Nazirliyinin Xarici Aktivlərə Nəzarət İdarəsi (OFAC) açıqlama verib.
“ABŞ-nin Kuba xalqına dəstəyi və həmrəyliyinə uyğun olaraq, OFAC Kubada istifadə üçün Venesuela mənşəli neftin yenidən satılmasına icazə almaq istəyən fərdi xüsusi lisenziya müraciətlərinə əlverişli lisenziyalaşdırma siyasəti tətbiq edəcək”, - deyə agentliyin açıqlamasında bildirilib.
Qeyd olunub ki, müraciət edənlərdən ABŞ-də hüquqi şəxsə sahib olmaq tələb olunmayacaq.
Aysel Mətləb
