UEFA Gənclər Liqası: “Qarabağ” böyük hesabla uduzdu
“Qarabağ”ın U-19 komandası UEFA Gənclər Liqasında ilk oyununa çıxıb.
TodayPress TV xəbər verir ki, Ağdam təmsilçisi Portuqaliyada “Benfika”nın qonağı olub.
Şimali İrlandiyalı Ceymi Robinsonun idarə etdiyi matç Lissabon təmsilçisinin inamlı qələbəsi ilə başa çatıb – 7:1.
İlk hissədə qapısında 6 qol görən Rəşad Sadiqovun komandası fasilədən sonra daha 1 dəfə oyuna mərkəzdən başlamalı olub. “Qarabağ”ın səfər qarşılaşmasında yalnız təsəlli qoluna gücü çatıb. Komandamızın heyətində Əli Qazıbəyov fərqlənib.
Qeyd edək ki, “Qarabağ” U-19 növbəti görüşünü oktyabrın 1-də Bakıda Danimarka təmsilçisi “Kopenhagen”ə qarşı keçirəcək.
Namiq HUN
