Çempionlar Liqası: "Sabah" səfərdə "Orhus"a məğlub oldu

05.08.2026 23:11 UEFA

UEFA Çempionlar Liqasının III təsnifat mərhələsinin ilk oyununda "Sabah" səfərdə "Orhus"la (Danimarka) qarşılaşıb.

TodayPress TV xəbər verir ki, Ranners stadionunda keçirilən qarşılaşma rəqibin 2:1 hesbalı qələbəsi ilə bitib.

Skandinaviya təmsilçisinin heyətində Ceyms Boqere (31, 63) dubl edib. "Bayquşlar"ın yeganə qolu isə Velko Simiçin (66) ayağına yazılıb.

Qeyd edək ki, komandalar arasında cavab matçı avqustun 11-də, saat 20:00-da Masazırdakı "Bank Respublika Arena"da təşkil olunacaq.

xxx

UEFA Çempionlar Liqasının III təsnifat mərhələsinin "Orhus" (Danimarka) - "Sabah" matçında ilk qol vurulub.

TodayPress TV xəbər verir ki, Ranners stadionunda keçirilən qarşılaşmada Azərbaycan çempionu məğlub duruma düşüb - 0:1.

31-ci dəqiqədə Ceyms Boqere meydan sahiblərini hesabda önə keçirib.

21:13

UEFA Çempionlar Liqasının III təsnifat mərhələsinin "Orhus" (Danimarka) - "Sabah" matçı başlayıb.

TodayPress TV xəbər verir ki, qarşılaşma Ranners stadionunda keçirilir.

Görüşü sloveniyalı FIFA referisi Rade Obrenoviç idarə edir.

Todaypress.tv Çempionlar Liqası UEFA Sabah Orhus