Yokiç möhtəşəm seriya ilə NBA-də rekord qırdı
Nikola Yokiç ABŞ Milli Basketbol Assosiasiyası (NBA) tarixində yeni rekorda imza atıb.
TodayPress TV xəbər verir ki, “Denver Naggets”in serbiyalı mərkəz oyunçusu müntəzəm mövsümdə “Hyuston Rokets”ə qarşı keçirilən matçda növbəti tripl-dablunu rəsmiləşdirib.
Basketbolçu qarşılaşmada 16 xal, 12 ribaund və 13 məhsuldar ötürmə ilə yadda qalıb.
Bu nəticə Yokiç üçün cari mövsümdə 25-ci tripl-dabl olub. Beləliklə, serbiyalı basketbolçu NBA tarixinə ardıcıl dörd mövsümdə 25 və daha çox tripl-dabl edən ilk oyunçu kimi düşüb.
Qeyd edək ki, daha əvvəl Yokiç Gilces-Aleksanderın ardıcıl 126 oyunda 20 və daha çox xal toplamaqla müəyyənləşdirdiyi rekorduna münasibət bildirmişdi.
Namiq HUN
