Yelena Parxomenko CEV-dən təyinat aldı
Azərbaycanın kişilərdən ibarət yığma komandasının meneceri Yelena Parxomenko ilk dəfə beynəlxalq oyunu idarə edəcək.
TodayPress TV Azərbaycan Voleybol Federasiyasına (AVF) istinadən xəbər verir ki, o, Avropa Voleybol Konfederasiyası (CEV) tərəfindən təyinat alıb.
Yelena Parxomenko qadın voleybolçular arasında keçirilən CEV Kubokunun 1/16 final mərhələsinin oyununda supervayzer kimi iştirak edəcək.
Qeyd edək ki, o, noyabrın 27-də İstanbulda keçiriləcək “THY İstanbul” - “Avarca Menorca” (İspaniya) qarşılaşmasında hakimlərin işini qiymətləndirəcək.
Namiq HUN
