U-15 Avropa çempionatı: Qadın güləşçiləri yarışa məğlubiyyətlə başladı
Azərbaycanın qadın güləşi üzrə U-15 millisinin üzvü Nərgiz Cəfərzadə (39 kq) təsnifat mərhələsində ukraynalı Sofiya Protsivaya minimal fərqlə (8:9) məğlub olub.
TodayPress TV xəbər verir ki, digər güləşçi Mədinə Kərimova (46 kq) debütdə moldovalı Rusalina Portaruya 3:9 hesabı ilə uduzub. Rəqib finala yüksəldiyi üçün Mədinə sabah təsəlliverici görüşə çıxacaq.
Ləman Əliyeva (54 kq) isə 1/8 finalda ukraynalı Tereza Tkaçişinlə (0:10), Aylin Həsənli (62 kq) isə eyni mərhələdə yunanıstanlı Elli Brousayla (1:6) bacarmayıb.
xxx
Yunan-Roma güləşi üzrə U-15 Avropa çempionatında Azərbaycan güləşçiləri medal uğrunda mübarizəni davam etdirirlər.
TodayPress TV xəbər verir ki, Paşa Aslan (44 kq) finalda ermənistanlı Paşa Xudoyana 4:1 hesabıyla qalib gələrək Avropa çempionu olub.
xxx
Yunan-Roma güləşi üzrə U-15 Avropa çempionatında Azərbaycan güləşçiləri medal uğrunda mübarizəni davam etdirirlər.
TodayPress TV xəbər verir ki, Hüseyn Əmrahlı (38 kq) finalda estoniyalı Daniel Samuelə tam üstünlüklə (9:0) qalib gələrək U-15 Avropa çempionu olub.
Qadın güləşi yarışlarında isə Ülviyyə Musayeva (33 kq) yarımfinalda ukraynalı Viktoriya Pervaçuku “tuş”la məğlub edərək finala yüksəlib və qızıl medal uğrunda mübarizə aparmaq hüququ qazanıb.
