Sterlinqdən formaya qayıdış ümidi
“Çelsi” klubu cinah hücumçusu Rahim Sterlinqi qarşıdakı qış transfer pəncərəsində buraxmağa hazırdır.
TodayPress TV Caught Offside nəşrinə istinadən xəbər verir ki, London təmsilçisi 31 yaşlı futbolçu üçün başqa ayrılıq variantı tapılmasa, onunla müqaviləni qarşılıqlı razılaşma əsasında ləğv etməyə hazırdır.
İngiltərəli vingerlə “Kristal Pelas” və “Lids Yunayted” klubları maraqlanır. Sterlinqin özü Avropada qalmaq istəyir və müntəzəm oyun praktikası hesabına əvvəlki formasını bərpa etməyi hədəfləyir.
Qeyd edək ki, cari mövsümdə Sterlinq heç bir oyunda iştirak etməyib. Futbolçunun “Çelsi” ilə mövcud müqaviləsi 2027-ci ilin yayına qədər qüvvədədir. Transfermarkt portalının məlumatına əsasən, oyunçunun bazar dəyəri 5 milyon avro təşkil edir.
Namiq HUN
