“Siti”dən sərt xəbərdarlıq: Haaland “Real”a getmir!
“Mançester Siti” klubu “Real Madrid” prezidentliyinə namizəd Enrike Rikelme tərəfindən səsləndirilən açıqlamalardan sonra məhkəməyə müraciət etməyi nəzərdən keçirir.
TodayPress TV xəbər verir ki, bu barədə insayder Fabritsio Pomano X sosial şəbəkəsində məlumat yayıb.
Məsələ Rikelmenin seçki kampaniyası çərçivəsində “Real”a Erlinq Haalandı gətirəcəyinə dair vədi ilə bağlıdır.
“Mançester Siti”nin mətbuat xidməti bu xəbərlərin həqiqəti əks etdirmədiyini bildirib:
“İspaniya mətbuatında yayılan məlumatlar yanlışdır. Bunun baş verməsi üçün heç bir şans yoxdur. Belə keçidi mümkün edən heç bir müqavilə maddəsi mövcud deyil. Futbolçumuzun görüntüsündən qəsdən istifadə olunması ilə bağlı məhkəməyə müraciət etmək variantını nəzərdən keçiririk”.
Qeyd edək ki, Rikelme İspaniyanın məşhur “El Hormiguero” proqramında Haalandın transferi ilə bağlı planlarından danışıb. O, efirdə Haalandın adı yazılmış forma nümayiş etdirib və seçki vədləri ilə əlaqəli notarial qaydada təsdiqlənmiş sənəd təqdim edib.
Namiq HUN
