“Real”da yeni tarix yazılır: Mbappe Ronaldunu keçə bilər
Kilian Mbappe 2025-ci ildə “Real Madrid” klubunun heyətində 58-ci qolunu vurub.
TodayPress TV xəbər verir ki, fransalı futbolçu İspaniya Kubokunun “Talavera-de-la-Reyna”ya qarşı oyununda (3:2) dubl edib.
Bu nəticə ilə Mbappe “Real”ın heyətində bir təqvim ili ərzində vurulan qollar üzrə Kriştianu Ronaldunun rekorduna bir qol da yaxınlaşıb. Portuqaliyalı ulduz 2013-cü ildə “kral klubu”nun heyətində 59 qol vurub.
Qeyd edək ki, bu ilin sonuna qədər “Real Madrid” daha bir oyun keçirəcək. La Liqa turu çərçivəsində baş tutacaq oyunda rəqib “Sevilya” klubu olacaq.
Namiq HUN
